عيال السعوديه
هــلا والله يـ آ( آبو ) / يـآ ( آم ) الشبـآب .. يالله حييــه في منتدآهـ () آقول ما ودك تسجل عندنـآ ..؟( ) قسسم بالله سعة الصدر فيذآ آنـت سجل بس وخل البآقي علينـآ آرعص .. على تسجيل بس ( ) آنواع المراكض ورآآك بالعربي نبيك تسجل عندنـآ هالمربع يقول مآمن فكـة ناشب في حلقـك نآششب انا آدري آنـك تبي تسجل يالله حيــة ع فكررة القهوهـ ع النآآر في قسم التــرحيب ..

الحلم ....من إبدآإأع حامد زيد

اذهب الى الأسفل

الحلم ....من إبدآإأع حامد زيد

مُساهمة من طرف ’RwâQâN‘ في الإثنين يناير 25, 2010 6:46 am

الحلم

بوقت من البطا و بليل تتراقص شياطينه ...
بعد شفت
الضيا ينزع من ثياب المسا ثلثين ...
تحايلت المنام اللي مثل بيتك تمرينه
...
و أنا اللي من تفارقنا ما غمضت لي عين ...
غريبه كل حلم يمر في رقادي
تزورينه ...
و الأغرب كيف أحلم الحلم و أرجع و أحلمه بعدين ...
قبل يومين
شفتك في المنام و قمت من حينه ...
و نمت أمس و رجع نفس المنام اللي قبل يومين
...
أنا اللي قبل أسافر شلت قلبي من شرايينه ...
تركته في يديك مثل الأمانه و
احفظيها زين ...
ترى حفظ الأمانه دين مجبوره تردينه ...
أجل ما في أحد قد
قالك حفظ الأمانه دين ...
مرد المقفي بيلفي و يستوفي و توفينه ...
بعد ليله
ثلاثه أربعه عشره شهر شهرين ...
إذا أنتي منتي بقد الكلام اللي تقولينه
...
حرام أستأمنك حاجه و إذا جيت أطلبك تنسين ...
تخونين و تبين أرضى و أحد
يرضى تخونينه ...
أنا لا جيت أخونك مع حبيبه ثانيه ترضين ...
من أول ما رجعت
من السفر ما شفت لك بينه ...
و أنا اللي كنت أحسبك قبل أدوس أرض المطار تجين
...
تكونين أنتي أول شخص عيني تحتضن عينه ...
و كنت أتخيلك من زود فرحه رجعتي
تبكين ...
و أشوف بدمعتك حكيك و أعرفه قبل تحكينه ...
و أجيب أحلى من اللي
بتحكينه و أتركك تحكين ...
تقولين الوطن نور و أقول بنور مضوينه ...
تقولي لي
غديت أحلى و أقول عيونك الحلوين ...
كلام نام بشفاهك و خفتي لا تصحينه
...
ذخرتيه الغرام اللي ينام و يتركك تصحين ...
تغانمتي غيابي لين رجحتي
موازينه ...
تعلم من يدك لمس الكفوف و علمك تجفين ...
و ليتك لاقيه به شي
فيني ما تلا قينه ...
ماهوب غرور و لكن خابرك ما لك أمل تلقين ...
تغافلتي
بغلا و إلا الحلا ماهوب من زينه ...
تزينه الصور و إلا الصحيح ابن الحلال زوين
...
و أنا ماني بناقص عنه يوم إنك تبدينه ...
نصيبي هو نصيبي لو يسددها من
الصوبين ...
قنوع بمظهري و السم ما يذبح ثعابينه ...
لا قول المثل ماني حلو
لكن ماني شين ...
إذا أهداك الزهر مره فأنا أهديتك بساتينه ...
و إذا ألهاك
بفرح ليله فأنا تحت البكاك سنين ...
و إذا استضعفتك أمواله و شتتك ملايينه
...
أنا حتى فتات الخبز أبقسمها معك نصين ...
طموحي بس أجي و أظفر بشيء
تستحقينه ...
تدينته تسلفته سرقته مو مهم منين ...
كأني من كثر ما أرضى بكل
اللي تتمنينه ...
لو إنك تطلبين الله يعنني بقول آمين ...
أنا ما ألعب لا
الحبلين وقت الطيش و سنينه ...
تبين الحين يوم إني كبرت ألعب لا الحبلين
...
ترى عند البدو بالذات عيب اللي تسوينه ...
حلاتك لا عشقتيني تعشقيني ليوم
الدين ...
غرام نسكن ضلوعه حشيمه من مجانينه ...
جفا يجمع معزتنا و لا عشق
يذل اثنين ...
كثار اللي تحدوني و قالوا لي تحبينه ...
أمانه لا تخليني صغير
بعينهم تكفين ...
لأني كل ما قالوا تخون أقول مسكينه ...
عليك الله و أمانه
علميهم منهو المسكين ...
أنا خايف ليا طاح الجمل تكثر سكاكينه ...
و أنا ما
عادت ضلوعي تحمل طعنه السكين ...
مثل ما قالوا المكتوب واضح من عناوينه
...
لو أرحل منك للغربه أسافر من ظلامك وين ...
كفايه كل حلم يمر برقادي
تزورينه ...
كفايه من تفارقنا و أنا ما غمضت لي عين ...
قبل يومين شفتك
بالمنام و قمت من حينه ...
و نمت أمس و رجع نفس المنام اللي قبل يومين ...

ممآ رآإأق لي من إبدآإأع ....حآمد زيد

avatar
’RwâQâN‘
المدير العام

المشاركات : 265
السٌّمعَة : 0
تاريخ التسجيل : 18/01/2010

معاينة صفحة البيانات الشخصي للعضو http://3yal-ksa.3arabiyate.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى