عيال السعوديه
هــلا والله يـ آ( آبو ) / يـآ ( آم ) الشبـآب .. يالله حييــه في منتدآهـ () آقول ما ودك تسجل عندنـآ ..؟( ) قسسم بالله سعة الصدر فيذآ آنـت سجل بس وخل البآقي علينـآ آرعص .. على تسجيل بس ( ) آنواع المراكض ورآآك بالعربي نبيك تسجل عندنـآ هالمربع يقول مآمن فكـة ناشب في حلقـك نآششب انا آدري آنـك تبي تسجل يالله حيــة ع فكررة القهوهـ ع النآآر في قسم التــرحيب ..

نصائح للبناااات للي منقهرين من التمااااسيح ؟؟؟؟

اذهب الى الأسفل

نصائح للبناااات للي منقهرين من التمااااسيح ؟؟؟؟

مُساهمة من طرف ’RwâQâN‘ في الإثنين يناير 25, 2010 5:47 am

عندي دروس خطيره لا تفوتكن يا بنات .. شوفن اللي مقهوره, واللي تبي تنتقم , واللي
تبي ترفع ضغط التمساح تتبع خطوات المقيدة

هالخطوات والله يقويكن...........



*** عند التلفزيون ***

لا صارت فيه مباراه , والاخ متحمس اقطعي
هالحماس وشلون؟! انا اقولتس .. شوفي اذا صار مبقق عويناته وماهو يم احد يعني لو
تجيبين صاروخ تفجرينه قدامه مالتفت لك اعرفي انه منسجم , هنا بس تقومين بشغلتس..
وتسوين نفستس بنت سنعه وروحي جيبي قطعة قماش وبخاخ للتنظيف واوقفي عند التلفزيون
وامسحي الشاشه ولا تعطينه فرصه يشوف زين ,

لا قال: ابعدي. قولي مانيب
فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي
من لحظه للحظه تكنسين قدام التلفزيون وغطي عليه.. ولا يهمتس احد.. واذا قال: ابعدي
لاصنتس لا دميجتس بالكاس قولي معصي بيجون ضيوف . . العبي عليه حتى لو مو جايكم احد
, والا سوي نفسك جالسه وتذكرتي ان الكيك بالفرن احترق ناقزي لين توصلين للفيش
وامصعيه برجولتس ولا تلتفتين وراتس ..


*** عند النوم ***

لا
صار التمساح يشخر.. نكدي عليه نومه وشلون؟! دخلي عليه بزارينكم لا بزارين جيرانكم
وصكي الباب عليهم وخليهم يلعبون بغرفته ويناقزون لا راسه .. تخبرين اطفالنا احباب
الله خخخخخخخ

والا تعالي وهو في سابع نومه وارجفيه ذيك الرجفه اللي يفز
مايدري عن نفسه الا وهو جالس وبكل برود قوليله نبي نروح للسوق

<=======
يمديكم لا هالبرود؟ خخخخخخ


*** مع الشله ***

ذي ما يبيلها جهد
ولا تعب, اذا شفتيه جالس هو وأخوياه طلعي راستس من باب الشارع وقوليله فلااان أمي
تبيك لو يصلون عليك بنفس اليوم ترى مالي دخل

*** اذا المزاج صفر ***


اذا شفتيه ماله خلق ومو رايق ومقفله معه لا تخافين بالعكس هذي فرصتك
تنتقمين منه يعني تحرشي فيه خلي دمتس ثقيييييييييل بالمزح بس انتبهي في هاللحظه
راقبي حركات يده لان ممكن يصك أي شيء قدامه بوجهتس ولازم تصيرين مجهزه مفتاح
الغرفه.. ماتدرين السالفه يا غالب يا مغلوب خخخخخخخخ

المهم.. اضحكي لا
شكله والا على جلسته والا لا لبسه .. هو بيقول ترى مانيب رايق وضفي وجهتس, انتي لا
تسكتين قوليله واذا ماضفيت وجهي وش بيصير عاد هو بيقوم ويوريك وش بيصير لا سنع
انتي في هالوقت اقضبي اول درجتين توصلتس لغرفتس وطلي عليه من فوق وقوليله
ههههههههههههاااااي اهم شيء رفعة ضغطك وقومتك من جلستك

<===== يلعن ام
المبزره

عادي .. عادي ولا صرتي بزر وش فيها اهم شيء تحقيق الغايه اللي هي
(( تفجير الامبير )) خخخخخخخخخ


*** وقت الطقاق ***

لا جاء يوم
وبراستس حرش وتبين تطاقين انتي والتمساح لازم تجهزين نفستس من كل ناحيه:

1/
اللبس: لازم تلبسين ترنق خخخخخخخخخ علشان يسهل الركض والمطامر وتفركين من يده
بسهوله

2/ الشوشه لازم تلمينها وتسوين حفله براسك ذاك اليوم تحطين انواع
الشباصات والمغاطات وانتبهي ولا خصله تنزل منتس, وياليت يكون ذاك اليوم حاطه براستس
حناء علشان مايتجرأ ويلمس شعرتس <==== ابن أمه يجيب مثل هالتفكير

3/
مفتاح الغرفه ولميه الاحتياط واجب

4/ جمعي لتس كم زبيريه وخليها لا جمب


اذا بدت المعركه حطي راستس براسه ولا تبينين له انتس خايفه وبققي عويناتس
فيه وقوليله وش براستس عاد هو هنا بيقولتس هذا اللي براسي طراااااااااااخ الا ومخمس
مصفي طبلونه , لا تستسلمين عطيه بوقس لا عيونه الثنتينعلشان مايشوف الدرب وحطي
رجلتس ومن عند الدرابزين طلي عليه وقوليله ان كان فيك خير قابلني هو بيستشيط وبيجي
التمساح يقابلتس مايدري انتس اذكى منه , هالحين جاء دور الزبيريات اللي جمعتيها
وبدووون رحمه .. واضربي فيه ليييين تضربين

الارض من تحته . ولا
طووووووووول لغرفتس اللي مجهزتن مفتاحها من قبل واقفلي عليتس .. ويادار مادخلك شر
بس نصيحه اقعدي يومين لايشوفتس ولا تشوفينه لانه يبي ينتقم لكرامته وبيوريتس حق
الله فيتس

وبسسسس.. هذا اللي اتذكره اذا فيه اساليب جديده ماراح ابخل عليكن
يا حلووووات...

واتمنى تطبقين هالتعليمات وهذا وجهي ان تحداتس أي تمساح لا
وجهه الارض خخخخخخخخخخخخ ومالي دخل
لو طلعلتس صعرور والا طلع بعيونتس الوان
الطيف والا ماسلم فيتس ضل


عااد ماادري اللي تبي تسوي هالطرق وتتبعها
..<<<تتشهد قبل ماتسوي اي شئ

avatar
’RwâQâN‘
المدير العام

المشاركات : 265
السٌّمعَة : 0
تاريخ التسجيل : 18/01/2010

معاينة صفحة البيانات الشخصي للعضو http://3yal-ksa.3arabiyate.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى